lalitaa sahasranaama

View Sanskrit pdf 

View English pdf   

lalitaa sahasranaamam

dhyaanam

sindUraaruNa-vigrahaaM trinayanaaM maaNikya-moulisphurat­

taaraa-naayaka-shekharaaM smita-mukhIm-aapIna-vakShoruhaam |

paaNibhyaam-alipUrNa-ratnachaShakaM raktotpalaM bibhratIm

saumyaaM ratna-ghaTastha-rakta-charaNaaM dhyaayet-paraam-ambikaam ||

aruNaaM karuNaatara~ngitaakShIM

dhRuta-paashaa~nkusha-puShpa-baaNa-chaapaam |

aNimaadibhiraavRutaaM mayUkhaiH

ahamityeva vibhaavaye bhavaanIm ||

dhyaayet padmaasanasthaaM vikasita-vadanaaM padma-patraayataakShIm

hemaabhaaM pIta-vastraaM karakalita-lasad-hema-padmaaM varaa~ngIm |

sarvaala~nkaara-yuktaaM satatamabhayadaaM bhakta-namraaM bhavaanIm

shrIvidyaaM shaanta-mUrtiM sakala-sura-nutaaM sarva-sampat-pradaatrIm ||

saku~nkuma-vilepanaam alika-chumbi-kastUrikaam

samanda-hasitekShaNaaM sashara-chaapa-paashaa~nkushaam |

asheSha-jana-mohinIm aruNa-maalya-bhUShaambaraam

japaa-kusuma-bhaasuraaM japavidhau smaredambikaam ||

Om aiM-hrIM-shrIM-shrImaatre namaH

Om shreemaataa shree-maahaaraaj~nI shreemat-siMhaasaneshvarI |

chidagni-kuNDa-sambhUtaa deva-kaarya-samudyataa ||

udyadbhaanu-sahasraabhaa chaturbaahu-samanvitaa |

raagasvarUpa-paashaaDhyaa krodhaakaaraa~nkushojjvalaa ||

manorUpekShu-kodaNDaa pa~ncha-tanmaatra-saayakaa |

nijaaruNa-prabhaapUra-majjadbrahmaaNDa-maNDalaa ||

champakaashoka-punnaaga-saugandhika-lasatkachaa |

kuruvindamaNi-shreNI-kanatkoTIra-maNDitaa ||

aShTamIchandra-vibhraaja-dalikasthala-shobhitaa |

mukhachandra-kala~nkaabha-mRuganaabhi-visheShakaa |5|

vadanasmara-maa~ngalya-gRuhatoraNa-chillikaa |

vaktralakShmI-parIvaaha-chalanmInaabha-lochanaa ||

navachampaka-puShpaabha-naasaadaNDa-viraajitaa |

taaraakaanti-tiraskaari-naasaabharaNa-bhaasuraa ||

kadambama~njarI-klupta-karNapUra-manoharaa |

taaTa~nka-yugalI-bhUta-tapanoDupa-maNDalaa ||

padmaraagashilaadarsha-paribhaavi-kapolabhUH |

navavidruma-bimbashrI-nyakkaari-radanachChadaa ||

shuddhavidyaa~nkuraakaara-dvijapa~nkti-dvayojjvalaa |

karpUravITikaamoda-samaakarSha-digantaraa |10|

nija-sallaapa-maadhurya-vinirbhartsita-kachChapI |

mandasmita-prabhaapUra-majjatkaamesha-maanasaa ||

anaakalita-saadRushya-chibukashrI-viraajitaa ||

kaamesha-baddha-maa~ngalya-sUtra-shobhita-kandharaa ||

kanakaa~ngada-keyura-kamanIya-bhujaanvitaa |

ratnagraiveya-chintaaka-lola-muktaa-phalaanvitaa ||

kaameshvara-premaratna-maNi-pratipaNa-stanI |

naabhyaalavaala-romaali-lataa-phala-kuchadvayI ||

lakShyaroma-lataadhaarataa-samunneya-madhyamaa |

stanabhaara-dalanmadhya-paTTabandha-valitrayaa |15|

aruNaaruNakausumbha-vastra-bhaasvat-kaTItaTI |

ratna-ki~nkiNikaa-ramya-rashanaa-daama-bhUShitaa ||

kaamesha-j~naata-saubhaagya-maardavoru-dvayaanvitaa |

maaNikaya-mukuTaakaara-jaanudvaya-viraajitaa ||

indragopa-parikShiptasmaratUNaabha-ja~nghikaa |

gUDagulphaa kUrmapRuShTha-jayiShNu-prapadaanvitaa ||

nakha-dIdhiti-sa~nChanna-namajjana-tamoguNaa |

pada-dvaya-prabhaajaala-paraakRuta-saroruhaa ||

si~njaana-maNima~njIra maNDita-shrI-padaambujaa |

maraalI-mandagamanaa mahaalaavaNya-shevadhiH |20|

sarvaaruNaa.navadyaan~ngI sarvaabharaNa-bhUShitaa |

shiva-kaameshvaraa~nkasthaa shivaa svaadhIna-vallabhaa ||

sumeru-madhya-shRu~ngasthaa shrImannagara-naayikaa |

chintaamaNi-gRuhaantasthaa pa~ncha-brahmaasana-sthitaa ||

mahaapadmaaTavI-saMsthaa kadambavana-vaasinI |

sudhaasaagara-madhyasthaa kaamaakShI kaamadaayinI ||

devarShi-gaNa-sa~nghaata-stUyamaanaatma-vaibhavaa |

bhaNDaasura-vadhodyukta-shaktisenaa-samanvitaa ||

sampatkarI-samaarUDha-sindhura-vraja-sevitaa |

ashvaarUDhaadhiShTitaashva-koTi-koTibhiraavRutaa |25|

chakraraaja-rathaarUDha-sarvaayudha-pariShkRutaa |

geyachakra-rathaarUDha-mantriNI-parisevitaa ||

kirichakra-rathaarUDha-daNDanaathaa-puraskRutaa |

jvaalaamaalinikaakShipta-vahnipraakaara-madhyagaa ||

bhaNDasainya-vadhodyukta-shakti-vikrama-harShitaa |

nityaa-paraakramaaTopa-nirIkShaNa-samutsukaa ||

bhaNDaputra-vadhodyukta-baalaa-vikrama-nanditaa |

mantriNyambaa-virachita-viSha~nga-vadha-toShitaa ||

vishukra-praaNaharaNa-vaaraahI-vIrya-nanditaa |

kaameshvara-mukhaaloka-kalpita-shrIgaNeshvaraa |30|

mahaagaNesha-nirbhinna-vighnayantra-praharShitaa |

bhaNDaasurendra-nirmukta-shastra-pratyastra-varShiNI ||

karaa~nguli-nakhotpanna-naaraayaNa-dashaakRutiH |

mahaa-paashupataastraagni-nirdagdhaasura-sainikaa ||

kaameshvaraastra-nirdagdha-sabhaNDaasura-shUnyakaa |

brahmopendra-mahendraadi-deva-saMstuta-vaibhavaa ||

hara-netraagni-sandagdha-kaama-sa~njeevanauShadhiH |

shrImadvaagbhava-kUTaika-svarUpa-mukha-pa~nkajaa ||

kaNThaadhaH-kaTi-paryanta-madhyakUTa-svarUpiNI |

shaktikUTaikataapanna-kaThyadhobhaaga-dhaariNI |35|

mUlamantraatmikaa mUlakUTatraya-kalevaraa |

kulaamRutaika-rasikaa kulasa~nketa-paalinI ||

kulaa~nganaa kulaantasthaa kaulinI kulayoginI |

akulaa samayaantasthaa samayaachaara-tatparaa ||

mUlaadhaaraika-nilayaa brahmagranthi-vibhedinI |

maNipUraantaruditaa viShNugranthi-vibhedinI ||

aaj~naachakraantaraalasthaa rudragranthi-vibhedinI |

sahasraaraambujaarUDhaa sudhaasaaraabhivarShiNI ||

taDillataa samaruchish-ShaTchakropari-saMsthitaa |

mahaasaktiH kuNDalinI bisatantu-tanIyasI |40|

bhavaanI bhaavanaagamyaa bhavaaraNya-kuThaarikaa |

bhadrapriyaa bhadramUrtirbhakta-saubhaagyadaayinI ||

bhaktipriyaa bhaktigamyaa bhaktivashyaa bhayaapahaa |

shaambhavI shaaradaaraadhyaa sharvaaNI sharmadaayinI ||

shaa~nkarI shrIkarI saadhvI sharachchandra-nibhaananaa |

shaatodarI shaantimatI niraadhaaraa niran~njanaa ||

nirlepaa nirmalaa nityaa niraakaaraa niraakulaa |

nirguNaa niShkalaa shaantaa niShkaamaa nirupaplavaa ||

nityamuktaa nirvikaaraa niShprapa~nchaa niraashrayaa |

nityashuddhaa nityabuddhaa niravadyaa nirantaraa |45|

niShkaaraNaa niShkala~nkaa nirupaadhirnirIshvaraa |

nIraagaa raagamathanI nirmadaa madanaashinI ||

nishchintaa niraha~nkaaraa nirmohaa mohanaashinI |

nirmamaa mamataahantrI niShpaapaa paapanaashinI ||

niShkrodhaa krodhashamanI nirlobhaa lobhanaashinI |

niHsaMshayaa saMshayaghnI nirbhavaa bhavanaashinI ||

nirvikalpaa niraabaadhaa nirbhedaa bhedanaashinI |

nirnaashaa mRutyumathanI niShkriyaa niShparigrahaa ||

nistulaa nIlachikuraa nirapaayaa niratyayaa |

durlabhaa durgamaa durgaa duHkhahantrI sukhapradaa |50|

duShTadUraa duraachaara-shamanI doSha-varjitaa |

sarvaj~naa saandra-karunaa samaanaadhika-varjitaa ||

sarvashaktimayI sarvama~ngalaa sadgati-pradaa |

sarveshvarI sarvamayI sarvamantra-svarUpiNI ||

sarva-yantraatmikaa sarva-tantrarUpaa manonmanI |

maaheshvarI mahaadevI mahaalakShmIrmRuDapriyaa ||

mahaarUpaa mahaapUjyaa mahaa-paataka-naashinI |

mahaamaayaa mahaasatvaa mahaashaktirmahaaratiH ||

mahaabhogaa mahaishvaryaa mahaavIryaa mahaabalaa |

mahaabuddhirmahaasiddhirmahaayogeshvareshvarI |55|

mahaatantraa mahaamantraa mahaayantraa mahaasanaa |

mahaayaaga-kramaaraadhyaa mahaabhairava-pUjitaa ||

maheshvara-mahaakalpa-mahaataaNDava-saakShiNI |

mahaakaamesha-mahiShI mahaatripurasundarI ||

chatuShShaShTyupachaaraaDhyaa chatuShShaTikalaamayI |

mahaachatuShShaShTikoTi-yoginI-gaNasevitaa ||

manuvidyaa chandravidyaa chandramaNDala-madhyagaa |

chaarurUpaa chaaruhaasaa chaaruchandra-kalaadharaa ||

charaachara-jagannaathaa chakraraaja-niketanaa |

paarvatI padmanayanaa padmaraaga-samaprabhaa |60|

pa~nchapretaasanaasInaa pa~nchabrahmasvarUpiNI |

chinmayI paramaanandaa vij~naanaghanarUpiNI ||

dhyaana-dhyaatRu-dhyeyarUpaa dharmaadharma-vivarjitaa |

vishvarUpaa jaagariNI svapantI taijasaatmikaa ||

suptaa praaj~naatmikaa turyaa sarvaavasthaa-vivarjitaa |

sRuShTikartrI brahmarUpaa goptrI govindarUpiNI ||

saMhaariNI rudrarUpaa tirodhaanakarIshvarI |

sadaashivaa.nugrahadaa pa~nchakRutyaparaayaNaa ||

bhaanumaNDala-madhyasthaa bhairavI bhagamaalinI |

padmaasanaa bhagavatI padmanaabha-sahodarI |65|

unmeSha-nimiShotpanna-vipanna-bhuvanaavaliH |

sahasrashIrShavadanaa sahasraakShI sahasrapaat ||

aabrahma-kITa-jananI varNaashrama-vidhaayinI |

nijaaj~naarUpa-nigamaa puNyaapuNya-phalapradaa ||

shruti-sImanta-sindUrI-kRuta-paadaabjadhUlikaa |

sakalaagama-sandoha-shukti-sampuTa-mouktikaa ||

puruShaartha-pradaa pUrNaa bhoginI bhuvaneshvarI |

ambikaa.naadi-nidhanaa hari-brahmedra-sevitaa ||

naaraayaNI naadarUpaa naamarUpa-vivarjitaa |

hrI~nkaarI-hrImatI hRudyaa heyopaadeya-varjitaa |70|

raajaraajaarchitaa raaj~nI ramyaa raajIva-lochanaa |

ra~njanI ramaNI rasyaa raNatki~nkiNi-mekhalaa ||

ramaa raakendu-vadanaa ratirUpaa ratipriyaa |

rakShaakarI raakShasaghnI raamaa ramaNalampaTaa ||

kaamyaa kaamakalaarUpaa kadamba-kusuma-priyaa |

kalyaaNI jagatI-kandaa karuNaa-rasa-saagaraa ||

kalaavatI kalaalaapaa kaantaa kaadambarI-priyaa |

varadaa vaamanayanaa vaaruNI-mada-vihvalaa ||

vishvaadhikaa vedavedyaa vindhyaachala-nivaasinI |

vidhaatrI vedajananI viShNumaayaa vilaasinI |75|

kShetrasvarUpaa kShetreshI kShetra-kShetraj~na-paalinI |

kShayavRuddhi-vinirmuktaa kShetrapaala-samarchitaa ||

vijayaa vimalaa vandyaa vandaaru-jana-vatsalaa |

vaagvaadinI vaamakeshI vahnimaNDala-vaasinI ||

bhaktimat-kalpalatikaa pashupaasha-vimochinI |

saMhRutaasheSha-paaShaNDaa sadaachaara-pravartikaa ||

taapatrayaagni-santapta-samaahlaadana-chandrikaa |

taruNi taapasaaraadhyaa tanumadhyaa tamopahaa ||

chitistatpada-lakShyaarthaa chidekarasa-rUpiNI |

svaatmaanandalavIbhUta-brahmaadyaananda-santatiH |80|

paraa pratyak-chitIrUpaa pashyantI paradevataa |

madhyamaa vaikharI-rUpaa bhakta-maanasa-haMsikaa ||

kaameshvara-praaNanaaDI kRutaj~naa kaamapUjitaa |

shRu~ngaara-rasa-sampUrNaa jayaa jaalandhara-sthitaa ||

oDyaaNa-pITha-nilayaa bindu-maNDalavaasinI |

rahoyaaga-kramaaraadhyaa rahastarpaNa-tarpitaa ||

sadyaHprasaadinI vishvasaakShiNI saakShivarjitaa |

ShaDa~ngadevataa-yuktaa ShaaDguNya-paripUritaa ||

nitya-klinnaa nirupamaa nirvaaNa-sukha-daayinI |

nityaaShoDashikaa-rUpaa shrIkaNThaardha-sharIriNI |85|

prabhaavatI prabhaarUpaa prasiddhaa parameshvarI |

mUlaprakRutiravyaktaa vyaktaavyakta-svarUpiNI ||

vyaapinI vividhaakaaraa vidyaavidyaa-svarUpiNI |

mahaakaamesha-nayana-kumudaahlaada-kaumudI ||

bhakta-haarda-tamo-bheda-bhaanumadbhaanu-santatiH |

shivadUtI shivaaraadhyaa shivamUrtIsh-shiva~nkarI ||

shivapriyaa shivaparaa shiShTeShTaa shiShTapUjitaa |

aprameyaa svaprakaashaa mano-vaachaamagocharaa ||

chichChaktishchetanaa-rUpaa jaDashaktirjaDaatmikaa |

gaayatrI vyaahRutis-sandhyaa dvijabRunda-niShevitaa |90|

tatvaasanaa tatvamayI pa~nchakoshaantara-sthitaa |

niHsIma-mahimaa nitya-yauvanaa madashaalinI ||

madaghUrNita-raktaakShI madapaaTala-gaNDabhUH |

chandana-drava-digdhaa~ngI chaampeya-kusuma-priyaa ||

kushalaa komalaakaaraa kurukullaa kuleshvarI |

kulakuNDaalayaa kaulamaarga-tatpara-sevitaa ||

kumaara-gaNanaathaambaa tuShTiH puShTirmatirdhRutiH |

shaantis-svastimatI kaantirnandinI vighnanaashinI ||

tejovatI trinayanaa lolakShI-kaamarUpiNI |

maalinI haMsinI maataa malayaachala-vaasinI |95|

sumukhI nalinI subhrUsh-shobhanaa suranaayikaa |

kaalakaNThI kaantimatI kShobhiNI sUkShmarUpiNI ||

vajreshvarI vaamadevI vayovasthaa-vivarjitaa |

siddheshvarI siddhavidyaa siddhamaataa yashasvinI ||

vishuddhichakra-nilayaa-..raktavarNaa trilochanaa |

khaTvaa~ngaadi-praharaNaa vadanaika-samanvitaa ||

paayasaanna-priyaa tvaksthaa pashuloka-bhaya~nkarI |

amRutaadi-mahaashakti-saMvRutaa DaakinIshvarI ||

anaahataabja-nilayaa shyaamaabhaa vadanadvayaa |

daMShTrojvalaakShamaalaadi-dharaa rudhira-saMsthitaa |100|

kaalaraatryaadi-shaktyaugha-vRutaa snigdhaudana-priyaa |

mahaavIrendra-varadaa raakiNyambaa-svarUpiNI ||

maNipUraabja-nilayaa vadanatraya-saMyutaa |

vajraadikaayudhopetaa DaamaryaadibhiraavRutaa ||

raktavarNaa maaMsaniShThaa guDaanna-prIta-maanasaa |

samastabhakta-sukhadaa laakinyaMbaa-swarUpiNI ||

svaadhiShThaanaambujagataa chaturvaktra-manoharaa |

shUlaadyaayudha-sampannaa pItavarNaatigarvitaa ||

medoniShThaa madhuprItaa bandhinyaadi-samanvitaa |

dadhyannaasakta-hRudayaa kaakinI-rUpa-dhaariNI |105|

mUlaadhaaraambujaarUDhaa pa~ncha-vaktraasthi-saMsthitaa |

a~nkushaadi-praharaNaa varadaadi-niShevitaa ||

mudgaudanaasakta-chittaa saakinyambaa-svarUpiNI |

aaj~naa-chakraabja-nilayaa shuklavarNaa ShaDaananaa ||

majjaa-saMsthaa haMsavatI-mukhya-shakti-samanvitaa |

haridraannaika-rasikaa haakinI-rUpa-dhaariNI ||

sahasradala-padmasthaa sarva-varNopashobhitaa |

sarvaayudha-dharaa shukla-saMsthitaa sarvatomukhI ||

sarvaudana-prItachittaa yaakinyambaa-svarUpiNI |

svaahaa svadhaa.matirmedhaa shruti-smRutiranuttamaa |110|

puNyakIrtiH pUNyalabhyaa puNyashravaNa-kIrtanaa |

pulomajaarchitaa bandhamochanI barbaraalakaa ||

vimarsharUpiNI vidyaa viyadaadi-jagatprasUH |

sarvavyaadhi-prashamanI sarvamRutyu-nivaariNI ||

agragaNyaa.chintyarUpaa kalikalmaSha-naashinI |

kaatyaayanI kaalahantrI kamalaakSha-niShevitaa ||

taambUla-pUrita-mukhI daaDimI-kusuma-prabhaa |

mRugaakShI mohinI mukhyaa mRuDaanI mitrarUpiNI ||

nitya-tRuptaa bhaktanidhirniyantrI nikhileshvarI |

maitryaadi-vaasanaalabhyaa mahaa-pralaya-saakShiNI |115|

paraashaktiH paraaniShThaa praj~naanaghana-rUpiNI |

maadhvIpaanaalasaa mattaa maatRukaa-varNaa-rUpiNI ||

mahaakailaasa-nilayaa mRuNaala-mRudu-dorlataa |

mahanIyaa dayaamUrtirmahaasaamraajya-shaalinI ||

aatmavidyaa mahaavidyaa shrIvidyaa kaamasevitaa |

shrIShoDashaakSharI-vidyaa trikUTaa kaamakoTikaa ||

kaTaakSha-ki~nkarI-bhUta-kamalaa-koTi-sevitaa |

shiras-sthitaa chandranibhaa bhaalasthendra-dhanuH-prabhaa ||

hRudayasthaa raviprakhyaa trikoNaantara-dIpikaa |

daakShaayaNI daityahantrI dakShayaj~na-vinaashinI |120|

daraandolita-dIrghaakShI darahaasojjvalanmukhI |

guru-mUrtirguNanidhirgomaataa guhajanma-bhUH ||

deveshI daNDanItisthaa daharaakaasha-rUpiNI |

pratipanmukhyaraakaanta-tithi-maNDala-pUjitaa ||

kalaatmikaa kalaanaathaa kaavyaalaapa-vinodinI |

sachaamara-ramaa-vaaNI-savya-dakShiNa-sevitaa ||

aadishaktirameyaa..tmaa paramaa paavanaakRutiH |

aneka-koTi-brahmaaNDa-jananI divya-vigrahaa ||

klIMkaarI kevalaa guhyaa kaivalya-pada-daayinI |

tripuraa trijagdvandyaa trimUrtistridasheshvarI |125|

tryakSharI divya-gandhaaDhyaa sindUra-tilakaa~nchitaa |

umaa shailendratanayaa gaurI gandharva-sevitaa ||

vishvagarbhaa svarNagarbhaa.varadaa vaagadhIshvarI |

dhyaanagamyaa.parichChedyaa j~naanadaa j~naanavigrahaa ||

sarva-vedaanta-saMvedyaa satyaananda-svarUpiNI |

lopaamudraarchitaa lIlaaklRupta-brahmaaNDa-maNDalaa ||

adRushyaa dRushyarahitaa vij~naatrI vedya-varjitaa |

yoginI yogadaa yogyaa yogaanandaa yugandharaa ||

ichChaashakti-j~naanashakti-kriyaashakti-svarUpiNI |

sarvaadhaaraa supratiShThaa sadasadrUpa-dhaariNI |130|

aShTamUrtirajaajetrI lokayaatraa-vidhaayinI |

ekaakinI bhUmarUpaa nirdvaitaa dvaitavarjitaa ||

annadaa vasudaa vRuddhaa brahmaatmaikya-svarUpiNI |

bRuhatI braahmaNI braahmI brahmaanandaa balipriyaa ||

bhaaShaarUpaa bRuhatsenaa bhaavaabhaava-vivarjitaa |

sukhaaraadhyaa shubhakarI shobhanaasulabhaagatiH ||

raajaraajeshvarI raajyadaayinI raajyavallabhaa |

raajatkRupaa raajapITha-niveshita-nijaashritaa ||

raajyalakShmIH koshanaathaa chatura~nga-baleshvarI |

saamraajya-daayinI satyasandhaa saagaramekhalaa |135|

dIkShitaa daityashamanI sarvalokavasha~nkarI |

sarvaarthadaatrI saavitrI sachchidaananda-rUpiNI ||

deshakaalaaparichChinaa sarvagaa sarvamohinI |

sarasvatI shaastramayI guhaambaa guhya-rUpiNI ||

sarvopaadhi-vinirmuktaa sadaashiva-pativrataa |

sampradaayeshvarI saadhvI gurumaNDala-rUpiNI ||

kulottIrNaa bhagaaraadhyaa maayaa madhumatI mahI |

gaNaambaa guhyakaaraadhyaa komalaa~ngI gurupriyaa ||

svatantraa sarvatantreshI dakShiNaamUrti-rUpiNI |

sanakaadi-samaaraadhyaa shivaj~naana-pradaayinI |140|

chitkalaa.nanda-kalikaa premarUpaa priya~nkarI |

naamapaaraayaNa-prItaa nandividyaa naTeshvarI ||

mithyaa-jagadadhiShThaanaa muktidaa muktirUpiNI |

laasyapriyaa layakarI lajjaa rambhaadivanditaa ||

bhava-daava-sudhaa-vRuShTiH paapaaraNya-davaanalaa |

daurbhaagya-tUlavaatUlaa jaraadhvaantaraviprabhaa ||

bhaagyaabdhi-chandrikaa bhakta-chitta-keki-ghanaaghanaa |

roga-parvata-dambholirmRutyu-daaru-kuThaarikaa ||

maheshvarI mahaakaalI mahaagraasaa mahaashanaa |

aparNaa chaNDikaa chaNDa-muNDaasura-niShUdinI |145|

kSharaakSharaatmikaa sarva-lokeshI vishva-dhaariNI |

tri-varga-daatrI subhagaa tryambakaa tri-guNaatmikaa ||

svargaapavargadaa shuddhaa japaapuShpa-nibhaakRutiH |

ojovatI dyutidharaa yaj~narUpaa priyavrataa ||

duraaraadhyaa duraadharShaa paaTalI-kusuma-priyaa |

mahatI merunilayaa mandaara-kusuma-priyaa ||

vIraaraadhyaa viraaD-rUpaa virajaa vishvatomukhI |

pratyag-rUpaa paraakaashaa praaNadaa praaNa-rUpiNI ||

maartaaNDa-bhairavaaraadhyaa mantriNI-nyasta-raajyadhUH |

tripureshI jayatsenaa nistraiguNyaa paraaparaa |150|

satyaj~naanaananda-rUpaa saamarasya-paraayaNaa |

kapardinI kalaamaalaa kaamadhuk-kaama-rUpiNI ||

kalaanidhiH kaavyakalaa rasaj~naa rasashevadhiH |

puShTaa puraatanaa pUjyaa puShkaraa puShkarekShaNaa ||

para~njyotiH parandhaama paramaaNuH paraatparaa |

paashahastaa paashahantrI paramantra-vibhedinI ||

mUrtaa.mUrtaa.nityatRuptaa muni-maanasa-haMsikaa |

satyavrataa satyarUpaa sarvaantaryaaminI satI ||

brahmaaNI brahmajananI bahurUpaa budhaarchitaa |

prasavitrI prachaNDaa..j~naa pratiShThaa prakaTaakRutiH |155|

praaNeshvarI praaNadaatrI pa~nchaashatpITha-rUpiNI |

vishRu~nkhalaa viviktasthaa vIramaataa viyatprasUH ||

mukundaa muktinilayaa mUlavigraha-rUpiNI |

bhaavaj~naa bhavarogaghnI bhavachakra-pravartinI ||

Chandassaaraa shaastrasaaraa mantrasaaraa talodarI |

udaarakIrtiruddaama-vaibhavaa varNa-rUpiNI ||

janma-mRutyu-jaraa-tapta-jana-vishraanti-daayinI |

sarvopanishad-udghuShThaa shaantyatIta-kalaatmikaa ||

gambhIraa gaganaantasthaa garvitaa gaanalolupaa |

kalpanaa-rahitaa kaaShThaa.kaantaa kaantaardha-vigrahaa |160|

kaarya-kaaraNa-nirmuktaa kaamakeli-tara~ngitaa |

kanatkanaka-taaTa~nkaa lIlaa-vigraha-dhaariNI ||

ajaa kShaya-vinirmuktaa mugdhaa kShipra-prasaadinI |

antarmukha-samaaraadhyaa bahirmukha-sudurlabhaa ||

trayI trivarga-nilayaa tristhaa tripura-maalinI |

niraamayaa niraalambaa svaatmaaraamaa sudhaasRutiH ||

saMsaarapa~nka-nirmagna-samuddharaNa-paNDitaa |

yaj~napriyaa yaj~nakartrI yajamaana-svarUpiNI ||

dharmaadhaaraa dhanaadhyakShaa dhana-dhaanya-vivardhinI |

viprapriyaa viprarUpaa vishva-bhramaNa-kaariNI |165|

vishvagraasaa vidrumaabhaa vaiShNavI viShNu-rUpiNI |

ayoniryoni-nilayaa kUTasthaa kula-rUpiNI ||

vIragoShThI-priyaa vIraa naiShkarmyaa naada-rUpiNI |

vij~naanakalanaa kalyaa vidagdhaa baindavaasanaa ||

tattvaadhikaa tattvamayI tattvamartha-svarUpiNI |

saamagaana-priyaa saumyaa sadaashiva-kuTumbinI ||

savyaapasavya-maargasthaa sarvaapadvinivaariNI |

svasthaa svabhaava-madhuraa dhIraa dhIra-samarchitaa ||

chaitanyaarghya-samaaraadhyaa chaitanya-kusuma-priyaa |

sadoditaa sadaatuShTaa taruNaaditya-paaTalaa |170|

dakShiNaadakShinaaraadhyaa darasmera-mukhaambujaa |

kaulinI-kevalaa.narghya-kaivalya-pada-daayinI ||

stotra-priyaa stutimatI shruti-saMstuta-vaibhavaa |

manasvinI maanavatI maheshI ma~ngalaakRutiH ||

vishvamaataa jagad-dhaatrI vishaalaakShI viraagiNI |

pragalbhaa paramodaaraa paraamodaa manomayI ||

vyomakeshI vimaanasthaa vajriNI vaamakeshvarI |

pa~ncha-yaj~na-priyaa pa~ncha-preta-ma~nchaadhishaayinI ||

pa~nchamI pa~ncha-bhUteshI pa~ncha-sa~nkhyopachaariNI |

shaashvatI shaashvataishvaryaa sharmadaa shambhumohinI |175|

dharaa dharasutaa dhanyaa dharmiNI dharma-vardhinI |

lokaatItaa guNaatItaa sarvaatItaa shamaatmikaa ||

bandhUka-kusuma-prakhyaa baalaa lIlaa-vinodinI |

suma~ngalI sukhakarI suveShaaDhyaa suvaasinI ||

suvaasinyarchana-prItaa..shobhanaa shuddha-maanasaa |

bindu-tarpaNa-santuShTaa pUrvajaa tripuraambikaa ||

dashamudraa-samaaraadhyaa tripuraashrI-vasha~nkarI |

j~naanamudraa j~naanagamyaa j~naana-j~neya-svarUpiNI ||

yonimudraa trikhaNDeshI triguNaambaa trikoNagaa |

anaghaa.dbhuta-chaaritraa vaa~nChitaartha-pradaayinI |180|

abhyaasaatishaya-j~naataa ShaDadhvaatIta-rUpiNI |

avyaaja-karuNaa-mUrtiraj~naana-dhvaanta-dIpikaa ||

aabaala-gopa-viditaa sarvaanulla~nghya-shaasanaa |

shrIchakraraaja-nilayaa shrImat-tripura-sundarI ||

shrIshivaa shiva-shaktyaikya-rUpiNI lalitaambikaa ||3 times||

evaM shrIlalitaa-devyaa naamnaaM saahasrakaM jaguH ||

|| iti shrI-brahmaaNDa-puraaNe uttara-khaNDe shrI-hayagrIvaagastya-saMvaade shrIlalitaasahasranaama-stotra-kathanaM naama dvitiyodhyaayaH ||