BG dhyaanam

View English pdf 
View Sanskrit pdf 

gItaa dhyaanam

paarthaaya pratibodhitaaM bhagavataa naaraayaNena svayam
vyaasena grathitaaM puraaNa-muninaa madhye mahaabhaaratam |
advaitaamRutavarShiNIM bhagavatIm aShTaadashaadhyaayinIm
amba tvaamanusandadhaami bhagavadgIte bhavadveShiNIm |1|

namostute vyaasa vishaalabuddhe
phullaaravindaayata-patra-netra |
yena tvayaa bhaarata-taila-pUrNaH
prajvaalito j~naanamayaH pradIpaH |2|

prapanna-paarijaataaya totravetraika-paaNaye |
j~naanamudraaya kRuShNaaya gItaamRuta-duhe namaH |3|

sarvopaniShado gaavo dogdhaa gopaala-nandanaH |
paartho vatsas-sudhIrbhoktaa dugdhaM gItaamRutaM mahat |4|

vasudevasutaM devaM kaMsa-chaaNUra-mardanam |
devakI-paramaanandaM kRuShNaM vande jagadgurum |5|

bhIShma-droNa-taTaa jayadratha-jalaa gaandhaara-nIlopalaa
shalya-graahavatI kRupeNa vahanI karNena velaakulaa |
ashvathaama-vikarNa-ghoramakaraa duryodhanaavartinI
sottIrNaa khalu paaNDavai raNanadI kaivartakaH keshavaH |6|

paaraasharya-vachassarojamamalaM
gItaartha-gandhotkaTam
naanaakhyaanakakesaraM harikathaa
sambodhanaabodhitam |
loke sajjana ShaDpadairaharahaH
pepIyamaanaM mudaa
bhUyaat bhaarata-pa~nkajaM kalimala-
pradhvaMsi nash-shreyase |7|

mUkaM karoti vaachaalaM pa~nguM la~nghayate girim |
yatkRupaa tamahaM vande paramaananda-maadhavam |8|

yaM brahmaa varuNendra-rudra-marutaH
stunvanti divyas-stavaiH
vedais-saa~ngapadakramopaniShadaiH
gaayanti yaM saamagaaH |
dhyaanaavasthita-tadgatena manasaa
pashyanti yaM yoginaH
yasyaantaM na vidus-suraasuragaNaaH
devaaya tasmai namaH |9|


No comments:

Post a Comment